Цаг уурын мэдээ > Хөдөө аж ахуйн цаг уурын тойм
2024 оны 06 дугаар сарын сүүлийн арав хоногийн ХААЦУ-ын тойм мэдээ
![](/images/blank.gif)
![](/images/blank.gif)
2024 оны 06 дугаар сарын 3 дугаар арав хоногийн
цаг агаарын тойм
2024 оны 7-р сарын 01
Агаарын температур(Air temperature): Нийт сумдын нутгаар агаарын дундаж температур 15.1 ... 24.4 градус дулаан, хамгийн их температур өдөртөө 26 ... 33 градус дулаан, Дөрвөлжин, Тэс сумдад 33 градус, Баянтэс, Ургамал сумдад 32 градус, Завханмандал, Цагаанчулуут сумдад 31 градус, Алдархаан, Их-Уул, Сантмаргаз сумдад 30 градус хүрч 1-6 өдөр халсан бол хамгийн бага температур шөнөдөө Баянхайрхан, Тэлмэн сумдад 2 градус хүйтэн, Цэцэн-Уул, Яруу сумдад 1 градус хүйтэн бусад нутгаар 0-8 градус дулаан байлаа.
Хөрсний температур(Soil temperature): Энэ арав хоногт нийт нутгаар хөрсний дундаж температур 20 ... 35 градус дулаан, хамгийн их температур өдөртөө 48 ... 64 градус дулаан, Идэр 64 градус, Сантмаргаз 63 градус, Тэлмэн, Их-Уул 62 градус, Сонгино 61 градус, Дөрвөлжин, Нөмрөг, Баянтэс, Улиастай, Түдэвтэй, Тэс, Ургамал сумдад 60 градус хүрч халсан бол нийт нутгаар 40 градусаас давж 7-10 хоног халсан, хамгийн бага температур шөнөдөө Тэлмэн -5 градус, Нөмрөг, Баянхайрхан -3 градус, Баянтэс, Цэцэн-Уул, Тосонцэнгэл, Отгон, Идэр, Яруу сумдад -1 градус хүйтэн бусад нутгаар 0 ... 8 градус дулааан байлаа.
Хур тунадас(Precipitаtion) Энэ арав хоногт нийт нутгаар 0.0 ... 19.3 мм тунадас орсон. Хамгийн их нь Отгон сумд 19.3 мм, Цэцэн-Уул, Цагаанхайрхан сумдад 12.4 мм, Цагаанчулуут сумд 11.2 мм, Тосонцэнгэл сумд 8.4 мм, Сонгино сумд 8.0 мм тунадас орсон бол хамгийн бага нь Завханмандал, Ургамал сумдад 0.0 мм, Дөрвөлжин, Түдэвтэй сумдад 0.4 мм, Улиастай, Баянхайрхан, Тэс сумдад 0.7 мм тунадас орсон байна.
Салхи(Wind): Нийт нутгаар салхины дундаж их хурд 6-12 м/с салхилтай байлаа. Зарим сумдын нутгаар түр зуур өрөвхийлөлтөөр 16-20 м/с хүрч салхилсан байна. Хамгийн их нь Завханмандал сумд 20 м/с, Улиастай сумд 18 м/с, Нөмрөг сумд 17 м/с, Дөрвөлжин, Тосонцэнгэл, Баянтэс, Их-Уул сумдад 16 м/с хүрч шороон шуурга шуурсан байна.
Бэлчээрийн ургамлын ургалтын байдал: Нийт нутгаар бэлчээрийн ургамал түрүүлэлт залаалалт, цэцэглэлтийн үе шат жигдэрсэн, ургамлын дундаж өндөр 5-13 см, ургалтын байдал сайн буюу дунд үнэлгээтэй байна.
Бэлчээрийн хөнөөлт царцааны мэдээ: 2024 оны 06 дугаар сарын 25-ны мэдээгээр Дөрвөлжин, Баянтэс, Алдархаан, Сантмаргаз, Тэлмэн, Ургамал, Цагаанчулуут, Шилүүстэй сумдад царцаа байхгүй бусад нутгаар 4 давталтын 1 м2 талбайд тоологдсон царцааны дундаж тоо 1-6, долоон зүйлийн царцаатай байна.
МАА-н үйлдвэрлэлд:. Нийт сумдын нутгаар хонины ноос хяргах, сааль сүү бэлдэх ажлууд хийгдэж байна.
ТОЙМ БИЧСЭН: ХААЦУ-ын инженер М.Өсөхбаяр